King of Talk, Boy Abunda breaks up his silence in an exclusive interview, he explained the reason behind his long absence on television.
Here's the transcript of Boy Abunda's interview on "The Buzz":
“Maraming salamat sa inyong pagdalaw dito sa aking tahanan, thank you. I look forward to this interview. May mga panahon sa ospital parati kong sinasabi, kailan ko ulit masasabing: Magandang hapon, Pilipinas at sa buong mundo, welcome to ‘The Buzz.’ But I’m glad to be back.”
“Maraming mga taong nagtatanong: Ano ba talaga ang sakit ni Boy? Parang, ang tagal-tagal, parang nakalabas na siya sa ospital, pero bakit hindi pa siya lumalabas sa telebisyon. Ano ba talaga ang kuwento?”
“Hindi po ako naospital mula nung ako ay nag-umpisa maghost sa telebisyon. Kaya naiintindihan ko bahagya kung bakit maraming tao ang nasindak na ako ay nagkasakit.”
“Bumigay na ho talaga ako. Sobrang sakit po ng aking ulo. Ayon sa nurses na aking kasama, ayon sa aking mga nagbabantay, nagdeliryo ho ako. Nagkombulsyon ho ako. Ang sabi sa akin, nagchi-chill daw ako sobra, sobrang-sobrang chill, nakakatakot daw akong panoorin. Tapos kinakagat ko daw ang aking dila, I was gnashing my teeth, I was biting my lips, so I was bleeding.”
“Meron palang pagkakataon sa buhay ng isang tao, mga kaibigan, that, sobra kang hina, that you are so helpless. Ibinigay ko sa Diyos ang aking buhay, at ibinigay ko sa mga doktor, ang aking buhay.”
“Kahit anong test, kahit anong test, I’m open, sabi ko sa aking doktor, to any test. So lahat ho ‘yun pinagdaanan, dengue, tipus, typhoid, HIV, hepa, lungs, liver, kidneys at marami pa pong iba.”
“Nakita nila na meron po akong abscess, nana, sa aking liver. Ang ginawa po nila sa akin, nag-aspirate po sila. Gumamit po sila ng pagkalaki-laki, at pagkahaba-habang karayom, pero hindi ko po tiningnan ‘yun, naramdaman ko lamang.”
“Pinasok po ako dito, hanggang ngayon masakit pa po ito, dito, pumasok po ‘yun, ultrasound guided po ito, dumaan po sa ribcage, hanggang narating po iyong liver. Na-aspirate ‘yung ibang nana. Pero hindi po lahat ‘yun. Kaya mga three days pa, meron po akong pig tail na tinatawag, na iniwanan nila para i-drain ‘yung natirang nana sa aking liver.”
“Gaano karaming abscess ang nakuha sa aking atay? 300 ml.”
“May mga araw, hindi ko po mabilang, ang blood extraction na ginagawa po sa aking katawan, hinang-hina po ako. Ang sakit, sakit, sakit, sakit po ng aking nararamdaman. For the first time, kahit naroon ‘yung mga mahal ko sa buhay, kahit naroon si Bong (Quintana, his longtime companion), naroon ‘yung mga nurses, naroon ‘yung aking kapatid, for the first time in my life, doon ko po naramdaman ‘yung …may episode ho pala, na ikaw lang at ang Diyos, and you are stripped naked of everything.”
“Kinausap ako ng malakas ng Diyos, tinapik ho ako ng malakas, dahil yumabang ho ako. One of my doctors said: You know Boy, for many years, hindi ka naman nao-ospital, you’ve been running too fast. You thought you were invincible, you thought you were Iron Man. Ipinapaalala lang sa’yo ng Diyos, at ng katawan mo, na hindi mo kaya ang lahat.”
“My stay in the hospital humbled me. Powerless po talaga. May mga hapon, darating po ‘yung akin doktor at sasabihin, it seems like your favorite place in the room, nandoon po ako sa gilid, nilalagyan ko na po ng pangalan ng mga building sa labas ng St. Luke’s, lahat po ‘yun kinakausap ko, tumatawa ako, para akong baliw.”
“I became better, August 23, I was released from the hospital.”
“I called Louie Andrada, our business unit head, and I said, Lou, I’m getting out of the hospital tonight, can you give me time? Sabi ni Louie, take your time. Restore. Recover. Kumain ka ng madami, ibalik mo ang kulay mo, magpataba ka. When you’re ready, tell us. Nandito lang kami.”
“Louie, Cory (Vidanes), lahat ng mga bosses namin sa ABS-CBN, salamat.”
“Sabi ko, Panginoong Diyos, ano ba talaga ang gusto ko sa buhay ko? Bakit ganito na lamang ka-passionate, bakit ganito na lamang ka-driven ako sa trabaho ko? What is it that I want?”
“Simple lang naman pala talaga ang sagot. Sabi ko, gusto ko lang magtrabaho, dahil gusto ko lang mabigyan ng mabuting buhay ang aking pamilya, at maalagaan ang aking nanay. Also because I love my job.”
“Pero sa ospital, nakiusap na lang ako sa Diyos, sabi ko, Panginoong Diyos, huwag mong pabayaang ilibing ako ng nanay ko. I don’t want to die. Ayokong mamatay.”
“Ang hirap isipin na ang nanay ko na walang kamalay-malay sa bahay, hindi maganda ang pakiramdam, [ang] kanyang anak, nakikipagsapalaran, nakikipaglaban sa ospital.”
“Sabi ko, Lord, itong isa lang ito, huwag mo lang papayagang ang nanay ko ang maglibing sa akin. Hindi ko kaya ‘yun. Nakiusap ako sa Diyos, yun yung hindi ko kaya.”
“Yun lang naman ang sagot sa tanong ko. Ano ba talaga ang gusto mo? Gusto mo lang naman mabigyan ng magandang buhay ang pamilya mo at maalagaan ang nanay mo.”
“Ang sinabi namin sa nanay ko noong ako ay nasa ospital, na nasa abroad ako, dahil nanay has mild dementia. Pero alam niyo po, pagdating ko sa bahay, kahit sinabi nila na nasa abroad ako, dahil ayaw naming mag-alala ang aking ina, ang unang salita na sinabi sa akin: Magaling ka na ba? Magpalakas ka.”
“Ang nanay ko na may dementia alam ang kalagayan ko.”
“Nakakatawa po na sa huling gabi ng aming bakasyon sa Amanpulo noong isang araw, pumunta lang si Bong sa isang site, kung saan may nakasulat at ang sabi, ‘Paalam po, Tito Boy. Ikinalulungkot naming ibalita, ang mahusay na talk show host ay pumanaw na dahil sa colon cancer. Ito po ang dahilan kung bakit hindi siya nakikita sa telebisyon.'”
“Sinasabi ko ho ito dahil, I am not dignifying these speculations, but I am acknowledging them. Ina-acknowledge ko na ilang beses akong pinatay ng iba’t ibang sakit.”
“Isang kasinungalingang sabihin na natutuwa ako sa lahat ng nag-imbento ng mga maling balita. It’s not fair. Okay na ako doon sa mga hindi ko kilala eh, kasi I’m a public figure.”
“Sa lahat sa inyo, na nagnais sirain ako, may intent man o wala, pinapatawad ko kayo. Totoo po ‘yan mula sa aking puso.”
Abunda went on to thank the people who stayed with him while he was sick.
“I cannot do this interview without having to thank. Alam ko po hindi ko kayang pasalamatan ang lahat sa sobrang dami po ng nagdasal, sumuporta, nagmahal, at patuloy na nagmamahal. I’ve never felt so loved. I’ve never felt so missed.”
“Sa pamilya ko, thank you Bong, at ginawa mong opisina ang St. Luke’s, para lamang makasama ako, kasi ang lungkot-lungkot ko talaga.”
“Thank you God, salamat talaga. To my Backroom family, salamat. Aileen, alam mo kung nasaan ka sa puso ko.”
“Our beloved president, Charo Santos-Concio, thank you, for the kind words. Louie, Deo (Endrinal), Nancy, thank you.”
“Hindi ko kayang makita si Kris (Aquino) pa, hindi ko alam kung bakit. Thank you for your love. Salamat talaga, Krissy. Salamat. This is one of the worst falls. This is a bad fall, Krissy, and you managed to catch me. Salamat for covering for me, thank you for doing “Aquino and Abunda Tonight.”
“Toni and Alex (Gonzaga), salamat for covering for us, every time Krissy wouldn’t be able to do the show. Vice (Ganda) for doing ‘The Buzz.'”
“Thank you, Gretchen Baretto. Di ko alam kung anong sasabihin ko, alam kong magkaibigan tayo Gretch, we’ve been friends for a long, long time. Dominique, salamat. I was told you would tell your mom to hurry and go to the hospital, and bring me food. Tony, salamat.”
“Ang staff ko rin, dito sa bahay. Sa inyong lahat, walang maliit na bagay na ginawa, maraming, maraming salamat.”
“I’m okay. Right now, ang aking estado po, I am starting to gain more weight.
“May sakit lang dito, kapag tumatawa, kapag umiiyak, kapag nagiging emosyonal, pag medyo kumikilos.”
“Am I absolutely healthy? Siguro nasa mga nobenta porsyento na po. I am on my way to joyful, great recovery.”
“Of course, I will continue to do my work on television. I should be back really soon. I will be back. If you want a date, malay ho natin, next Sunday, September 14, baka magbukas na ho ako ng ‘Buzz’ at magsabing: magandang hapon Pilipinas at buong mundo. Welcome to The Buzz.”
Source: ABS-CBNNews.com
Follow @HapeePinay on Twitter for more updates.
Thank you so much for visting HapeePinay and reading our articles. If you find this post interesting, please do remember to share it on Facebook, Twitter or Google+. Adding a comment below will be much appreciated.
0 comments:
Post a Comment